Doris Dey

Doğum tarixi

3 aprel 1922 · Qoç

Ölüm tarixi

13 may 2019 (97 yaş)

Doğum yeri

Sinsinnati, ABŞ

Doris Dey — Hollivud ekranlarında və musiqi səhnəsində böyük şöhrət qazanmış amerikalı aktrisa və müğənnidir. Əsl adı Doris Meri Enn fon Kappelhoff olan sənətçi 3 aprel 1922-ci ildə Ohayo ştatının Sinsinnati şəhərində anadan olub. Yeniyetməlik illərində rəqslə maraqlanan Doris avtomobil qəzası nəticəsində ayağını sındırdıqdan sonra bu sahədən uzaqlaşmalı olub. Müalicə ərəfəsində vokal dərsləri almağa başlayaraq 17 yaşından Barni Reppin orkestrində çıxış etməyə başlayıb və rəhbərin məsləhəti ilə səhnə təxəllüsü kimi Dey soyadını seçib. Kino karyerasına 1948-ci ildə çəkilən «Romance on the High Seas» filmi ilə qədəm qoyan aktrisa 40-dan çox filmdə rol alıb və 45 musiqi albomu buraxıb. Doris Dey filmləri sırasında AZfilm platformasında təqdim olunan «The Man Who Knew Too Much» (1955) və «Teacher's Pet» (1958) kimi ekran əsərləri xüsusi yer tutur. O, həmçinin «Love Me or Leave Me» və «Pillow Talk» kimi məşhur layihələrdə yaddaqalan obrazlar yaradıb. 1970-ci illərdən etibarən fəal şəkildə heyvan hüquqlarının müdafiəsi ilə məşğul olan Doris Dey kürk geyinilməsinə qarşı çağırışlar edib. Doris Dey təyyarə qorxusu səbəbindən 2004-cü ildə layiq görüldüyü Prezident Azadlıq Medalı, fəxri «Oskar» və Kennedi Mərkəzi mükafatlarının təqdimetmə mərasimlərinə qatıla bilməyib. 2008-ci ildə isə o, həyat boyu qazandığı nailiyyətlərə görə «Qremmi» mükafatına layiq görülüb. Aktrisa 13 may 2019-cu ildə vəfat edib.